რა არის Broiler Max – ფინიში?
გრანულირებული მზა საკვები
Broiler Max ფინიში წარმოადგენს მზა საკვებს ბროილერისთვის, რომელიც დამზადებულია მცენარეული წარმოშობის ნედლეულზე დაფუძნებით. იგი შეიცავს ყველა აუცილებელ საზრდო ნივთიერებას და აკმაყოფილებს ფრინველის მოთხოვნას საზრდო ნივთიერებებზე გამოზრდის პერიოდში: 25 დღიდან – დაკვლამდე.
საკვების გამოყენების წესი და კვების რეკომენდაციები:
0-დან მე-15 დღემდე წიწილი მოიხმარს 630 გრამ Broiler Max სტარტს (უკეთესი შედეგის მისაღწევად სასურველია, 1-დან მე-5 დღემდე წიწილამ მოიხმაროს 120 გრამი პრესტარტერი). მე-15-დან 25-ე დღემდე ბროილერი მოიხმარს 1200 გრამ Broiler Max გროუერს. 25-ე დღიდან დაკვლამდე ბროილერს უნდა მიეცეს Broiler Max ფინიში.
საკვები შეცვალეთ ეტაპობრივად, საკვები შეურიეთ ერთმანეთს თანაბარი რაოდენობით 3-4 დღის განმავლობაში.
ბროილერს საკვები მიეცით შეუზღუდავად, მშრალი სახით, ყოველგვარი დანამატების გარეშე.
გაფრთხილება: სასურველი შედეგის მისაღწევად საკვების გარდა მნიშვნელოვანი ფაქტორებია: საფრინველის ხარისხიანი დეზინფექცია, ჯანმრთელი წიწილი, ვაქცინაცია, წყლის ხარისხი, ტემპერატურული რეჟიმი, ვენტილაცია და ჰიგიენური პირობების დაცვა.
ფრინველი სტარტის ფაზის საკვებიდან გროუერის ფაზის საკვებზე გადაიყვანეთ მას შემდეგ, რაც მიაღწევს 550 გრამ საშუალო ცოცხალ წონას!
შემადგენლობა:
მარცვლეული, მცენარეული წარმოშობის დერივატები(მათ შორის სოიას შროტი, რომელიც დამზადებულია გენეტიკურად მოდიფიცირებული სოიასგან), გადამუშავებული ცხოველური ცილა, მცენარეული ზეთი, ამინომჟავები, ვიტამინები, მინერალები, მჟავიანობის რეგულატორი, ენზიმები, მიკოტოქსინების შემბოჭველი, საღებავები, კოკციდიოსტატი
ხარისხობრივი მახასიათებლები:
| ნედლი ცილა | 18% |
| ნედლი უჯრედანა | 3.2% |
| ნედლი ცხიმი | 3.8% |
| ენერგია | 3080 კკალ/კგ |
| ნედლი ნაცარი | 4.6& |
| კალციუმი | 0.7% |
| ნატრიუმი | 0.13% |
| ფოსფორი | 0.42% |
| ლიზინი | 1.09% |
| მეთიონინი | 0.48% |
| ვიტამინი A | 9500 სე/კგ |
| ვიტამინი D | 9500 სე/კგ |
| ვიტამინი E | 32 სე/კგ |
შენახვის პირობები:
პროდუქტი შეინახეთ მშრალ და გრილ, ასევე, მზისგან დაცულ ადგილას. შენახვის პირობების გათვალისწინებით, პროდუქტი ვარგისია დამზადებიდან 5 თვის განმავლობაში.